新冠肺炎疫情持續，不少人擔心樓市租售情況會轉淡，不過情況剛好相反，因為有網上搵樓平台的協助，不少打算租售單位的人士足不出戶可以搵樓，物業代理也稱，早前於House 730放出租盤兩日便有搵樓客接洽，交易時間加快，買、賣、代理三方都「慳咗時間」。
中原地產西九龍美孚6期分行任職物業代理George Tsang早前便透過House730網上平台，成功為業主租出一個位於深水埗海柏匯的276呎一房單位，他表示：「租客本身喺網上睇中另一個單位，但睇完唔多啱心水，所以就介紹呢個單位俾佢，佢覺得啱就簽約了。」他認同網上平台有助「吸客」、多一個接觸到客戶的機會，藉此了解客戶的需要再介紹合適樓盤。
George又說，現時的搵樓客於聯絡代理前，已經「上網做晒功課，知道最近成交情況，真係睇啱水心先會聯絡代理，而且比較心急，想代理快啲覆」，所以House730網上平台可以讓搵樓客直接用Whatsapp聯絡代理，加快了雙方的溝通，有助促成成交。
至於疫情下的生意有否受影響，George直言，「其實無乜影響，反正依家搵樓或放盤嘅，都依賴網上平台，反而行入地產舖搵代理嘅只佔少數，坐喺舖頭等客入嚟已經無乜，加上網上平台有齊資料，大家真係啱先約見睇樓甚至簽約，買家、賣家、代理三方慳咗好多時間。」