有一向睇唔好香港樓市的老友話，最近又有人劈價賣樓移民，將沙田第一城一個280呎單位劈價10％賣走，證明香港冇前途，我經常認為劈價賣樓的新聞沒有什麼意思，只要業主將叫價太幅提高，根本脫離市值甚遠，如果真的是要賣樓，一定要大幅減價，報道就會說有業主劈價賣樓。
不過今次劈價賣樓的新聞應該掉轉嚟睇，就算賣樓移民，所賣的亦只不過是三四百呎單位，對市場沒有指導性作用，如果賣樓移民的人講緊是買千幾二千呎單位，情況又唔同，而事實上移民多，賣樓移民的人不多，亦不會有業主因為別人賣樓而賣樓，所以樓價沒有受到影響。
我認為整件事未必關移民事，只是物業代理吸盤手法，由於放盤的人不多，物業代理話有業主劈價賣樓，希望那些打算移民的人早日賣樓，他們就可以增加盤源。如果太多人賣樓，物業代理反而會搵一些業主提價賣樓的個案，希望打算買樓的人早日下決定，唔好揸個價揸得咁死，最後是追價買樓 。
作者為紀惠集團行政總裁湯文亮
樓價 湯文亮專欄 湯文亮 移民 賣樓