Party game推介 1：Wolvesville

姨媽姑姐、表兄弟姊妹一年難得相聚拜年，一齊玩充滿神秘感嘅 「Wolvesville」 就最好不過，佢係一個充滿騙局同謊言嘅手機線上遊戲，一間遊戲房有 16 名玩家同時一齊玩。每個遊戲都會有唔同嘅組別，例如：村名，狼人等等，各組要為所屬組別戰鬥到底嚟取得勝利。同時你可以使用特別能力嚟揭發人哋嘅角色，以及說服大家嚟同你合作，無論你想好好保護村民或做個狠心嘅狼人，過程都一樣矚目驚心。

Party game推介 2：Mario Kart Tour

任天堂公司嘅 「Mario Kart Tour」《瑪利歐賽車巡迥賽》，大人小朋友喺 Switch 或者 Wii 都一定玩過，今次手機版遊戲可以登錄好友或是附近嘅人一齊玩，最多可讓 8 名玩家進行對戰，一決高低。通過個人戰、團體戰、車速、道具欄數量等豐富規則中，享受多人遊玩嘅樂趣，仲可以利用各式各樣嘅道具嚟個大逆轉反敗為勝！

Party game推介 3：We Play-線上桌遊吧

「WePlay-線上桌遊吧」係現今年輕人鍾意玩嘅語音社交桌遊App，因為佢可以同其他玩家一邊玩一邊傾計，App 內擁有幾款大熱人氣社交桌遊，包括社交推理遊戲「太空狼人殺」、考驗默契與畫功嘅「你畫我猜」、扮演綜藝藝員嘅「誰是臥底」、鬥快估歌仔嘅「嗨歌搶唱」，以及真相與謊言邏輯推理大作「狼人殺」等等。

Party game推介 4：UNO!

「+2」、「+4」、「轉色」、「Reverse」，一聽就知大家玩緊 UNO!，手機版 UNO! 大家可以線上組隊、防疫不出門都可以輕易較量牌藝，UNO! 嘅經典模式、歡樂場或者自行定義場次都刺激萬分，錦標賽全新篇章、3D新場景、多人組隊模式最啱一家人、朋友聚會即時開檯。

Party game推介 6：Bingo Party-Slots Bingo Game

「Bingo Party」遊戲氣氛喧鬧無比，緊張有趣，適合家庭聚會、好友對決等場合，老少皆宜，玩法簡單有趣又充滿挑戰，直線、對角線、四角等 13 種不同致勝方法，加上一系列小遊戲，玩 Bingo 從此不再係上一輩嘅老土遊戲。

Party game推介 7：Bounden

多人遊戲唔一定只係互相競爭，「Bounden」《翩翩起舞》就係一個非常好嘅例子，佢係一個雙人合作遊戲，只需要一部手機就可以玩。玩家用手指壓喺手機螢幕上開始實際走動，然後要一直令螢幕上嘅圓圈保持喺螢幕嘅中心位置。非常適合同第一次見面嘅人玩，即刻可以打破沉默嘅氣氛，遊戲本身都非常有娛樂性。

Party game推介 8：動物森友會 口袋露營廣場

「動物森友會 口袋露營廣場」係任天堂公司近年最佳嘅社交線上遊戲，玩家多年來收集自己喜歡嘅傢具，設計自己專屬嘅露營場。就趁今個農曆新年，玩家換件「新衫」邀請同樣有玩動物森友會嘅親戚朋友嚟自己「屋企」拜年，仲可以相約一齊參加釣魚大會、園藝大會，同慶賀新年兼獲得節日用品。