【家居DIY】去除抹布異味最有用？微波爐隱藏11大用途！

微波爐11大隱藏用途 通通話你知！

食具殺菌消毒 

微波爐嘅光波對大腸桿菌、金黃色葡萄球菌同沙門氏菌等有害菌殺菌效果極好，利用光波嘅高溫加熱功能可以係極短時間內消滅餐具、毛巾、餐巾等家庭用品上嘅病毒同細菌。奶樽、碗、匙羹、筷、口水巾、小毛巾等嬰幼兒用品亦可以放入微波爐內加熱，達到消毒效果。 

製作蔬菜乾

南瓜、甘筍、番薯、蘋果等非葉狀蔬菜水果切成片，越薄越好，將切好嘅蔬菜水果片放係烘焙紙上，然後放入微波爐加熱2-3分鐘，水分會變成水蒸氣蒸發，然後自然風乾便可。 

製作乾花 

用矽膠粉將鮮花埋起身，然後放係微波爐加熱1分鐘，然後將鮮花取出，將花瓣之間嘅矽膠粉清理乾淨便可。 

羊毛衫防蛀 

羊毛衫清洗曬乾後放係微波爐內加熱數分鐘直至羊毛衫溫熱，唔使放樟腦丸等防蛀劑就可達到防蛀目的，但係要留意唔可以將濕嘅羊毛衫直接放係微波爐裡加熱，否則折疊處會因高溫而受損。

榨果汁 

檸檬、橙、柚等柑橘類水果外皮拮幾個窿，放係微波爐加熱15-20秒，然後放置1-2分鐘後再用手搓，切開後即可榨出果汁。或者系水果榨汁前，微波加熱20-30秒，再榨嘅時候能夠榨出更多嘅果汁。 　　 

薯仔去皮 

薯仔先係微波爐加熱20-30秒後，會比較容易去皮。 　

乾燥食鹽 

鹽受潮後，可以放洗烘焙紙上，利用微波爐加熱幾分鐘，等攤凍乾燥後即可再次使用。

食物恢復香脆

餅乾、瓜子、花生等食物受潮後，用微波爐處理下即可恢復香脆。 　　

剝栗子皮 

將剝咗外殼嘅栗子用微波爐加熱，擰出後趁熱一搓，皮就會容易去除。 製作熱毛巾 將毛巾用水浸濕後擰乾，再用微波爐加熱30秒，就可以當熱毛巾用了，同時仲起到殺菌效果。 

去除抹布異味 

將有異味嘅抹布或者毛巾用水沖洗後放係微波爐加熱便可徹底消毒，異味亦可以去除。 　　

藥材防黴 

將藥材放係微波爐內叮至溫熱，攤凍後密封放係保鮮袋，即可長期存放, 可避免藥材受潮發霉，其他如綠豆、紅豆、黃豆、木耳等食品也可用此法處理包裝。

作者簡介                                 

原文網址：https://hkdecoman.com/article/57014

本文章內容及圖片均由本專欄作者裝修佬提供。

裝修佬網站於2015年11月上線， 致力為傳統裝修業界帶來變革，引領行業發展，令香港沒有麻煩/爛尾的裝修！根據第三方平台數據統計，裝修佬網站自上線到目前一直為全港人流量第一的裝修平台。裝修專欄每週為你提供最新裝修資訊，涵蓋裝修新聞、趣事，DIY技巧，工具及家品推介等內容；裝修電視提供多元化裝修/家居影片及媒體資訊，每週為您放送實用資訊。

裝修佬Facebook：https://www.facebook.com/hkdecoman