地板出現冷凝水原因
第一：樓板太薄
樓板太薄，冷氣低溫容易傳導到上層地板，形成冷凝水。如果係樓宇嘅問題，大家要共同諗辦法解決。樓上唔好怪樓下開冷氣，人地係有權開冷氣㗎；樓下唔好覺得樓上麻鬼煩，因為大家都係受害者。咁點知係咪樓宇問題？問下其他單位係咪都係咁就知啦。
第二：溫差太大
熱風遇上冷表面，就會凝水。你行出冷氣商場，眼鏡片會凝水；室內常溫空氣遇到你杯凍檸茶，都會凝水。所以，地板濕是因為樓下冷氣令你地板變冷，而你嘅室內空氣相對較熱。係邊個責任？如果樓下係冷藏庫咁，就係樓下責任。如果樓上好似桑拿房咁，就係樓上責任。
第三：濕度太高
「呵」一口氣落玻璃杯，就算溫差好細，一樣會凝水，點解？因為濕度高。所以，樓上唔好淨係識得怪樓下扇葉唔向下之類。你都要度下自己單位的濕度。開抽濕機或者放一個吸濕產品起冷凝水出現位置，都會有助解決問題。
解決冷凝水的五大法寶
冷氣風擋
好多時樓下為免被冷氣直吹，才將扇葉向上撥，令天花極冷，傳導到樓上地板，令冷凝水出現。安裝冷氣風擋後，扇葉不用向上撥，有可能解決冷凝水問題。
循環風扇
循環風扇能夠提升冷感，令樓下冷氣不用開咁大，從而減低因天花溫度過份冷凍而令冷凝水出現。
特色天花
如果樓下天花安裝石膏板假天花，又或者特色天花，可有效阻隔天花變冷，令冷溫無法輕易傳導上樓上地板，令冷凝水不出現。
地暖系統
冷凝水出現的條件是地面冷凍，令熱空氣中的水氣凝固。地暖系統可以完全解決這個問題，電費亦微，但費用較高。
建築物乾燥裝置
這個鮮為人知的工具，能夠令濕氣較難凝固在建築物的牆身和地面，技術比較複雜，但亦有成功個案支持，電費亦相當便宜。
作者簡介
原文網址：https://hkdecoman.com/article/57157
本文章內容及圖片均由本專欄作者裝修佬提供。
裝修佬網站於2015年11月上線， 致力為傳統裝修業界帶來變革，引領行業發展，令香港沒有麻煩/爛尾的裝修！根據第三方平台數據統計，裝修佬網站自上線到目前一直為全港人流量第一的裝修平台。裝修專欄每週為你提供最新裝修資訊，涵蓋裝修新聞、趣事，DIY技巧，工具及家品推介等內容；裝修電視提供多元化裝修/家居影片及媒體資訊，每週為您放送實用資訊。
裝修佬Facebook：https://www.facebook.com/hkdecoman
| 各區最新放盤應有盡有 |
裝修佬 冷氣 decoman 地板出水