1. Offscreen - 帮你少啲玩手机

日日手机唔离手，喺屋企冇王管就仲大镬，工作效率大大下降。「Offscreen」可以限制每日屏幕使用时间，当就嚟用晒手机时间，佢就会提醒你要休息一吓。呢个 App 仲会记录用家嘅手机使用时间，甚至拎起手机嘅次数、平均查看时间、锁屏时间同每日萤幕使用时间等，等你减少用手机嘅时间，工作自然专注啲！

2. Forest 专注森林 - 同事齐心种树

工作时间去种树？呢个 App「Forest 专注森林」喺当你开始专心工作果阵，畀你自行设定一个时间，例如半个钟或者一个钟，之后㩒开始，棵树就会慢慢长大，期间用家唔可以用其他应用程式 (但可以接电话) ，如果用家中途离开咗，种紧果棵树就会枯死。另一个特别之处系可以几个同事一齐种树互相督促认真工作，老板见到一定畀 like。

3. Be Focused - 提升专注力

每日排山倒海嘅工作量点应付？「Be Focused」 系一个结合 To-Do 清单同倒数计时器功能嘅专注 App ，用法简单，先设定好要完成嘅事项，开始工作时就按下倒数计时器，实现提升工作效率的结果。直正做到「工作时工作，休息时休息」，仲可以清楚睇到自己工作同休息嘅时间分布和比例，休息之后再投入工作，轻松工作提升专注力，转头又收工。

4. Noted - 开会纪录神器

WFH开始，一定会有一连串嘅线上会议，呢个时候开会纪录神器 「Noted」 就帮到你，佢可以同步录音、笔记，都可以将录音转为逐字稿，有佢就唔会甩漏开会重点，同埋要向上司交代嘅事项。

5. Flat Tomato - 番茄工作法

WFH工作最忌心散，集中力不足，见到「Flat Tomato」靓靓嘅番茄版面，即刻幻想到自己变身一个厨师，佢仿效厨房用嘅定时器，以倒数嘅形式为你规划工作时间同小休时间，畀你好好规划一日嘅行程、任务管理同资料系统。

小编Forest 试后感：

WFH的确好难专心，小编日日对住部电脑写稿，除咗食饭，对手几乎冇离开过keyboard，最惨系成日分心，加长工时。想工作专心一啲？小编试玩过「Forest -专注森林」，试过棵树种到枯死 (好彩系假树)，心得就系 10分钟最容易能够专注到，日日同同事一齐玩「种树」，工作效率出奇地好，老板都赞好！