賣走自住單位的人有什麼打算

同事話最近入了一個剛剛賣了樓的小型住宅單位租客，他的意見可能對我的分析有幫助，同事問新租客點解要賣自住單位，租客話覺得香港政府好蠢，唔賣對唔住有關官員，咁奇怪，真係願聞其詳。

租客話，如果租金繼續上升，他會聯合一班志同道合的人，要求政府推出租管，唔准業主加租，在租管陰影下，樓價很快會調頭回落，如果政府唔推出租管，在租金帶動下，樓價很快就會上升，到那時候，他們又會要求政府推出新辣招。甚至比舊辣招更辣，例如唔准非本港人買樓，否則就要效法新加坡，非本港人買樓的人要付60 ％印花稅，就算本港人買第二個單位都要交30%印花稅，樓價想唔跌都唔得。

租客亦補充，如果面對其他地方政府真係唔敢嘗試，不過，香港政府官員不但不太精明，而且又冇膽，有多幾個人示威，尤其是講及民主議題，官員唔夠膽唔做，租客話所以佢夠膽賣樓，老實說，我依然覺得值博率不高，事實香港官員的確冇膽，他們唔夠膽推出租管與新辣招，否則，如果樓價急跌，他們就難辭其咎。